shinzo abigha suyiqest qilghuchining eqil- hushi jayida ikenliki otturigha chiqti
yaponiye teptish mehkimisi sabiq bash ministir shinzo abini 2022 - yili iyulda suyiqest bilen öltürgen gumandarni qatilliq jinayiti bilen eyibleshke bolidighanliqini élan qildi.
türkiye awazi radiyosi xewiri: yaponiyede «eng uzun wezipe ötigen bash ministir» dégen unwangha ige shinzo abining iyulda suyiqestke uchrishining tesiri dawamlashmaqta.
kiyodo agéntliqining xewiride, ruhiy késellikler tekshürüshidin ötken 42 yashliq gumandar yamagami tétsuyaning eqil- hushining jayida ikenliki we eyibleshke bolidighanliqi uqturuldi.
xewerde, teptish mehkimisining tutup turush mudditi bu hepte toshidighan yamagamigha qarita qatilliq qilish we qoral-yaragh qanunigha xilapliq qilish jinayiti bilen eyibname teyyarlaydighanliqi bildürüldi.
eyibnamining tepsilatlirining hepte axirighiche xelqqe élan qilinishi mölcherlenmekte.
2022 - yili iyulda nara shehiride partiyesining saylam seperwerlikini qollap quwwetlesh üchün ochuq sehnide nutuq sözlewatqanda kökrikige oq tegken shinzo abi éghir yarilinip doxturxanigha élip bérilghan we dawalash ünüm bermey qaza qilghan bolup, iyulda metbuatlargha yépiq shekilde jinaze murasimi ötküzülüp, séntebirde resmiy döletlik depne murasimi ötküzülgen idi.
qestlep öltürüsh gumandari yamagami bixeterlik qisimliri teripidin hujumda ishletken qolda yasiwilinghan qoral we öyidin tépilghan shuninggha oxshash qanunsiz qorallar bilen qushulup nazaretke élinghan idi.
