shimaliy amérika we yaponiyede soghuq hawaning tesiri éghir boldi

türkiye awazi radiyosi xewiri: amérikada soghuq hawa döletning üchtin ikki qismigha tesir qildi. 200 milyondin artuq amérikaliq qar shiwirghinining tesiri astida qaldi. 13 ishtatta agahlandurush élan qilindi. bezi rayonlarda hawa témpératurasi 0 din töwen 45 giradusqa chüshti. shiwirghan sewebidin aptomobillar yollarda qaldi.

hökümet bu heqte bayanat élan qilmighan bolsimu, emma taratqular qattiq soghuq sewebidin 26 kishining jénidin ayrilghanliqini xewer qildi.

amérikada texminen 100 ming aile toksiz qaldi, néfit quduqlirini muz qaplidi. 8 mingdin artuq nöwetchi ayropilan emeldin qalduruldi, 25 mingdin artuq ayropilan sepiride kéchikish körüldi.

florida ishtatimu soghuq hawaning tesirige uchridi.

bügündin bashlap (2022-yili 26-dékabir) hawa témpératurasining pesil xaraktérlik normallishidighanliqi qeyt qilinmaqta.

kanadamu shiwirghan we qélin qarning tesiri astida. nurghun jaylarda éléktr üzülüp qaldi. poyiz seperliride aqsashlar körüldi. torontoda nurghun ayropilan seperliri emeldin qaldurulghachqa, minglarche yoluchi ayrodurumlarda qapsélip qaldi.

kanadada mejbur qalmighan ehwalda sirtqa chiqmasliq yaki sayahet qilmasliq telep qilindi.

yaponiyede soghuq hawa seweb bolghan bezi weqelerde 14 kishi jénidin ayrildi, 87 kishi yarilandi. bezi sheherlerde qatnash palech ehwalgha chüshüp qaldi. yollarda qatnash toxtitildi, poyiz qatnishi emeldin qalduruldi.