israiliye xelqi nétanyahu hökümitige qarshi namayishlirini dawamlashturmaqta

türkiye awazi radiyosi xewiri: namayishta ghezze rayonida urush toxtitish, pelestin qarshiliq körsitish herikiti hamas bilen esirlerni almashturush kélishimi tüzüsh we bash ministir bényamin nétanyahu hökümitining istipa bérishini telep qildi.

israiliyede her shenbe küni ghezze rayonidiki israiliyelik esirlerni élip kélish kélishimige imza qoyush chaqiriqi élan qilinidighan we nétaniyahu hökümitige qarshi élip bérilidighan namayishlar bu shenbimu keng kölemlik  qatnishish we paaliyetler bilen üzülmey dawamlashti.

hökümetke qarshi namayishqa qatnashqan nechche onminglighan kishi ghezzege qaritilghan hujumni axirlashturmasliq we esirlerni qayturup kelmeslik mesiliside siyasiy iradining perwasizliqini tenqid qildi we dölet tarixidiki «eng radikal ong qanat hökümet» ning istipa bérishini shundaqla muddettin burun saylam ötküzülishini telep qildi.

paytext tél awiw, hayfa, birussebi we gherbiy quddustin bashqa yene nétanyahuning öyi jaylashqan shimaldiki qeyserya shehiri we döletning oxshimighan jaylirida hökümetning istipa bérishi shundaqla esirlerning qayurup kélinishini telep qilip keng kölemlik namayilar dawamlashmaqta.