afghanistandiki kelkünde qaza qilghanlarning sani 400 ge yetti
afghanistanning türkmenistan chégrasigha yéqin feryab ölkiside kelkün sewebidin kem dégende 18 kishi qaza qildi.
türkiye awazi radiyosi xewiri: yéqinqi bir nechche hepte ichide afghanistanning shimalidiki ölkilerde shiddetlik yamghur kelteürüp chiqarghan kelkünde qaza qilghanlarning sani 400 ge yéqinlashti. feryab ölkiside kelkün sewebidin kem dégende 18 kishining qaza qilghanliqi uqturuldi.
ikki ming modin artuq déhqanchiliq yéri ishletkili bolmaydighan halgha kélip qaldi. 1000 din artuq öy ziyangha uchridi, 300 din artuq haywan halak boldi.
ghor ölkiside heddidin ziyade yamghur keltürüp chiqarghan kelkünde az dégende 50 kishining qaza qilghanliqi we onlighan kishining yoqap ketkenliki élan qilindi.
aldinqi hepte afghanistanning shimalidiki baghlan, bedexshan we tahar ölkiliride yüz bergen kelkünmu éghir ziyanlarni keltürüp chiqarghan bolup, 300 din artuq kishi qaza qilghan idi.
afghanistanda qish aylirida yaghqan qarning hawarayining issishigha egiship ériishi we shiddetlik yamghur sewebidin yüzbergen kelkünler insanlarning hayati we mal-mülükige éghir ziyanlarni salmaqta.
afghanistanda mushu wejidinla her yili nechche yüzligen kishi hayatidin ayrilip qalmaqta.
