bu yil israiliyege 95 dölettin 70 ming yehudiy köchüp keldi
bu yil (2022) israiliyege 95 dölettin 70 ming yehudiy köchüp kelgen bolup, buning yéqinqi 23 yildin buyanqi eng yuqiri san ikenliki bildürüldi.
türkiye awazi radiyosi xewiri: yehudiy diasporasining menpeeti üchün xizmet qilidighan yehudiy agéntliqining bayanatida, 2022 - yili israiliyege köchüp kelgen yehudiylar sanining aldinqi yildikidin texminen 2.5 hesse yuqiri bolghanliqi bildürüldi.
bayanatta, israiliyege 95 dölettin yehudiylarning köchüwatqanliqi, rusiyedin 37 ming 363 kishi bilen eng köp köchüsh emelge ashqanliqi uqturuldi.
bayanatta, israiliyege eng köp yehudiylar köchken ikkinchi döletning 14 ming 680 kishi bilen ukraina bolghanliqi, bulardin qalsila, ret boyiche amérika, firansiye, bélarusiye, éfiyopiye, argéntina, engliye, jenubiy afriqa we biraziliyening eng köp yehudiylar israiliyege köchken döletler ikenliki bildürüldi.
bayanatta yene, israiliyege köchüp kelgen yehudiylarning %27 ning 35-18 yash arisida ikenliki, 0 yashtin17 yashqiche bolghanlarning %24 ikenliki, 50-36 yash arisikilerning %22, 64-51 yash arisidikelerning %14 we 65 yashtin yuqirilarning bolsa, %13 ikenliki qeyt qilindi.
israiliyening atalmish «qaytish» qanunigha asasen, israiliyege köchüsh üchün iltimas qilghan yehudiylar «diaspora yehudiylirining israiliyege köchüshi» dégen menini bildüridighan «aliye» belgilisi arqiliq israiliye dölet tewelikige érisheleydu.
24-féwralda ukraina-rusiye urushi bashlanghandin buyan, israiliye dairiliri ukraina yehudiylirini israiliyege köchüshke qiziqturmaqta. israiliye hökümitining «aliye we bir gewdilishish ministirliqi» bilen yehudiylar agéntliqi, urush sewebidin ukraina yehudiylirining baldurraq ukrainadin köchüshi üchün «aliye» herikitini tézletken idi.
