б д т: тинчлиқ сөһбити йеқин кәлгүсидә мумкин болмайду
бирләшкән дөләтләр тәшкилати баш катипи антонйо гутерес 24-февралдин буйан елип бериливатқан украина билән русийә оттурисидики үнүмлүк тинчлиқ сөһбитиниң йеқин кәлгүсидә мумкин болмайдиғанлиқини ейтти.
1921368
түркийә авази радийоси хәвири: б д т баш катипи гутерес, америка қошма иштатлириниң нийу йорк шәһиригә җайлашқан бирләшкән дөләтләр тәшкилати баш мәркизидә бәргән байанатида, мундақ деди: «русийә – украина оттурисида һәрбий тоқунушларниң давамлишидиғанлиқиға ишинимән.»
җиддий тинчлиқ сөһбити үчүн күтүш керәкликини оттуриға қойған гутерес, «йеқин кәлгүсидә һәқиқий тинчлиқ үчүн сөһбәт өткүзүлүшидин үмид күтәлмәймиз» деди.
у бирләшкән дөләтләр тәшкилатиниң тинчлиқ сөһбәтлири үчүн көрситишкә тегишлик тиришчанлиқларниң, «русийәниң украинадики бир қарадеңиз портиға туруба линийәси арқилиқ аммийак експорт қилиши» вә «уруш әсирлирини алмаштурушни тезлитиш» қатарлиқ башқа мәсилиләргә қаритилғанлиқини тәкитлиди.
