испанийә суни нормилиқ ишлитишкә өтти

түркийә авази радийоси хәвири: каталонийә аптоном районида айларчә давамлашқан қурғақчилиқ сәвәбидин запас су нисбити %30 гә чүшүп қалди.

районда йашайдиған 6 милйон 700 миң киши су йетишмәсликниң сәләбий тәсиригә учримақта.

каталонийә һөкүмити қурғақчилиққа тақабил туруш үчүн нормилиқ су бәлгилимисини йолға қойидиғанлиқини елан қилди.

буниңға асасланғанда, ишлитилидиған су миқдарини деһқанчилиқта %5, бақмичилиқта %10, санаәт районлирида %5 гә чүшүргән.

каталонийә һөкүмити аһалиләрниң ишлитидиған суйигә һазирчә чәклимә қоймайдиғанлиқини елан қилди.

лекин бағни суғириш һәптидә икки қетимдин ешип кәтмәслики, аһалиләргә берилидиған суниң машина йуйуш вә көлчәкләрни толдурушқа ишлитилмәслики тәләп қилинди.