xelqara jinayi ishlar soti heyiti liwiyede ammiwi mazarlarni ziyaret qildi
xelqara jinayi ishlar sotining bash teptishi kerim esed ehmedxan we uning hemrahliqidiki heyet liwiyening terhune shehiridiki ammiwi mazarlarni ziyaret qildi.
türkiye awazi radiyosi xewiri: xelqara jinayi ishlar sotining ammiwi ortaqlishish tor bétidiki sehipiside, bu heqte élan qilinghan yazma bayanatida, xelqara jinayi ishlar sotining bash teptishi kerim esed ehmedxan we uning hemrahliqidiki heyetning liwiyening paytexti trablusning jenubigha jaylashqan terhune shehiridiki bir ammizi mazarni ziyaret qilghanliqi, bu mazardin 50 tin artuq kimliki éniqlap chiqilalmighan jeset tépilghanliqi bildürüldi.
terhune shehiri, 2020 – yili 5 – iyun küni, liwiyening sherqidiki qoralliq küchlerning rehbiri xelife hefterge qarashliq «qaniyat» namliq xelq eskerliri guruppisidin azad qilinghanidi.
shundin buyan éniqlap chiqilghan ammiwi mazarlardin her küni dégüdek chiqirilghan jesetlerdin, mezkur xelq eskerliri jawabkar, dep qaralmaqta.
