б д т 2023 - йили баш көтүрүш мумкинчилики болған ашлиқ киризиси тоғрисида агаһландурди

түркийә авази радийоси хәвири: нурғун дөләтләрдә давамлишиватқан қурғақчилиқ вә тоқунушлар билән украина-русийә уруши сәвәбидин ашлиқ йөткәшниң қалаймиқанлишишиниң йемәклик киризисини чоңқурлаштурувәткәнлики, милйонлиған кишиниң ачарчилиқ хәвипигә дуч кәлгәнлики билдүрүлди.

б д т агаһландуруп, әгәр зөрүр тәдбирләр йолға қойулмиса, нөвәттики йемәклик кризисиниң 2023-йили йәр шари характерлик апәткә айлинишиниң мумкинликини оттуриға қойди.

дунйа ашлиқ пилан мәһкимисиниң санлиқ мәлуматлириға қариғанда, 45 дөләттики 50 милйонға йеқин адәм ачарчилиқ гирдабиға берип қалған.

нөвәттә дунйаниң һәр қайси җайлирида 800 милйондин артуқ адәм һәр күни кәчтә ач һаләттә йетип қеливатқан болуп,  хәлқара пул фонди тәшкилати, мал баһасидики күчлүк давалғушлар сәвәбидин дунйаниң бир йемәклик киризисиға дуч келиватқанлиқи тоғрисида агаһландурди.

нөвәттә йемәклик киризисиниң әң еғир зәрбисигә учриған африқада милйонлиған адәм хәтәр ичидә қалған.

б д т ашлиқ вә деһқанчилиқ тәшкилатиниң санлиқ мәлуматиға қариғанда, келимат өзгириши, тоқунуш, ковид -19 йуқуми вә украина-русийә уруши қатарлиқ сәвәбләр түпәйлидин африқа қитәсидики һәр 5 кишиниң бири сағлам йемәклик йейәлмәйдикән.

шәрқий африқадики 81 милйон адәмниң йемәклик бихәтәрликидин бәһримән болалмайватқанлиқи, 16 милйон шәрқий африқалиқниң тамақ етиш вә ичишкә ишлитилидиған пакиз суға еришәлмәйватқанлиқи билдүрүлди.