йапонийә чегра еғизлирида сайаһәт чәклимисини бикар қилди

түркийә авази радийоси хәвири: баш министир кишида фумио һөкүмити ковид-19 билән йуқумлиниш нисбитиниң төвәнлигәнликини вә йеңи қарарларни пүтүн мәмликәт миқйасида 11 - өктәбирдә йолға қойидиғанлиқини елан қилди.

бу даиридә һазирқи күнигә 50 миң йолучи кириш чәклимиси билән чәтәллик сайаһәтчиләрниң йапонийәгә хусусий сайаһәткә бериш чәклимиси бикар қилинди.

йапонийән виза кәчүрүм қиливатқан 70 кә йеқин дөләттин чәтәллик сайаһәтчиләр пилансиз вә һәмраһсиз һалда йапонийәгә кирәләйдиған болди.

сайаһәттин 72 саәт бурун 3 қетим ваксина әмләнгәнлики йаки ковид- 19 синиқидин өткәнликини көрситидиған һөҗҗити болғанлар чегра еғизида қайтидин ковид-19 синиқи қилинмайдиған һәмдә карантинаға елинмайдиған болди.

вухән вируси тарқилиштин илгири 2019 - йили йапонийәни тәхминән 32 милйон сайаһәтчи зийарәт қилған иди.

2020 - йилида йапонийәгә барған сайаһәтчиләрниң сани 4 милйон 100 миңға, 2021 – йилида болса, 240 миңға чүшүп қалған иди.

күндилик йолучилар чәклимисини бу йил аста-аста 10 миң, 20 миң вә 50 миңғичә өстүргән йапонийәгә ийул ейида 8 миң вә авғустта 11 миңға йеқин сайаһәтчи кәлгән иди.