esebiy yehudiylar yene mesjidi eqsagha bésip kirdi
esebiy yehudiylar ishghal astidiki sherqiy quddusqa jaylashqan mesjidi eqsagha bügün etigen yene bésip kirdi.
türkiye awazi radiyosi xewiri: shahitlarning bildürüshiche, esebiy yehudiy köchmenler, israiliye saqchilirining hemrahliqida mesjidi eqsagha gherbiy derwazisidin bésip kirgen.
mesjidi eqsada ibadet qiliwatqan pelestinlikler yehudiy köchmenler bilen israiliye saqchilirigha tekbir éytish arqiliq naraziliq bildürgen.
mesjidi eqsada bir pelestinlikni qolgha alghan israiliye saqchiliri, 40 yashtin kichik pelestinliklerning mesjidi eqsagha kirishini chekligen.
esebiy yehudiy köchmenler, ibraniy kaléndari boyiche yilning birinchi küni bolghan «rosh hashana bayrimi» munasiwiti bilen mesjidi eqsagha bésip kirgen, israiliye saqchiliri bolsa bu hujumgha naraziliq bildürgen pelestinliklerge mudaxile qilghanidi.
pelestin qizilay jemiyiti, israiliye saqchiliri urghan 2 pelestinlikning yarilanghanliqini, shahitlar bolsa, 6 kishining qolgha élinghanliqini uqturghanidi.
