сомалида 500 миң бала өлүм хәвипигә дуч кәлмәктә

түркийә авази радийоси хәвири: бирләшкән дөләтләр тәшкилати балилар фонди (UNICEF) байанатчиси җәймис елдер, сомалидики ашлиқ киризиси һәққидә елан қилған  байанатида, сомалидики ашлиқ киризиси сәвәбидин 500 миң балиниң өлүм хәвипигә дуч келиватқанлиқини әскәртти.

сомалидики 2011 – йили йүз бәргән ашлиқ киризисида 340 миң балиниң йемәк – ичмәк қийинчилиқиға дуч кәлгәнликини ейтқан елдер, бу йилқи ашлиқ киризисини «бу мушу әсирдә биз көрүп бақмиған паҗиә» дәп атиди.

игилинишичә, бирләшкән дөләтләр тәшкилати ашлиқ вә йеза игилик комитетиниң санлиқ мәлуматлириға асасланғанда, сомалиниң % 80 ти еғир қурғақчилиққа дуч кәлгән.

сомали һөкүмити, тәсир даириси барғансери кеңийиватқан қурғақчилиқ сәвәбидин, бултур нойабир ейида дөләт миқйасида «җиддий һаләт» елан қилғаниди.

дунйа сәһийә тәшкилати, сомалидики инсаний тирагедийә үчүн хәлқара җәмийәтни җиддий йардәмгә чақирғаниди.