liz trus ayal padishahdin hökümet teshkillesh hoquqini tapshuruwaldi

türkiye awazi radiyosi xewiri:shotlandiyede dem éliwatqan ayal padishah 2-élizabét sabiq wezir boris jonson istépasini sunghandin kéyin, liz trusni qobul qildi.

ayal padishah 2-élizabét liz trusqa hökümetni teshkillesh hoquqini berdi. shuning bilen, liz trus engliyening resmiy bash weziri boldi.

liz trus londonda bash wezirlik hoquqini tapshuruwalghandin kéyinki birinchi qétimliq nutuqini sözleydu. uning bügün (2022-yili 6-séntebir) hökümetning yéngi kabéntini élan qilidighanliqi kütülmekte.

sabiq bash wezir boris jonson 7-iyulda (2022) hakimiyet béshidiki konsérwatiplar partiyesining bashliqliq wezipisidin istépa bergenlikini, bash wezirlik hoquqini bolsa, yéngi rehber saylanghuche saqlap qalidighanliqini élan qilghan idi.

tünügün hakimiyet béshidiki konsérwatiplar partiyesining élan qilghan rehberlik saylimi netijiside, liz trus 81 ming 326 awazgha, reqibi rishi sunakning (Rishi Sunak) 60 ming 399 awazgha érishkenliki qeyt qilinghan idi. buning bilen, hakimiyet béshidiki konsérwatiplar partiyesining rehberlik riqabitide ghelbe qilghan liz trus, oxshash waqitta yene, döletning yéngi bash weziri bolush hoquqini qolgha keltürgen idi.