jonson parlamént bilen widalashti

türkiye awazi radiyosi xewiri: engliye bash weziri boris jonson parlaméntta sözligen widalishish nutuqida, ornigha wezipige kélidighan yéngi bash wezirge bezi tewsiyelerni qildi.

u engliyening yawropa ittipaqidin ayrilishi we wuxen wirusi (Kovid-19) musapisini bashqurush, rusiyening 24-féwralda bashlighan tajawuzchiliq urushigha qarshi ukrainani qollash qatarliq özi hakimiyet béshidiki waqtida yürgüzülgen siyasetlerge «muweppeqiyet» süpitide yuqiri baha berdi.

u: «wezipe hazirche asasen tamamlandi» dédi.

u axirlashturghuchi filimidiki «xeyrixosh balam» (hasta la vista baby) dégen sözler bilen widalashti.     

engliye bash weziri boris jonson bash wezirlik xizmitidin we hakimiyet béshidiki konsérwatiplar partiyesining reislikidin istépa bergendin kéyin, partiyediki parlamént ezaliri arisida dawamlashqan rehber saylash ishlirida, sabiq maliye ishliri weziri rishi sunak (Rishi Sunak) 137 awazgha ériship aldiqi orunda turdi.

konsérwatiplar partiyesining rehberliki üchün ötküzülgen saylamda, pénny mordant (Penny Mordaunt) 105 awazgha érishken bolsimu shallinip ketti.

tashqi ishlar ministiri liz trus 113 awazgha ériship, bash wezirlik riqabitini dawamlashturush salahiyitini saqlap qaldi.

engliyediki texminen 160 ming konsérwatip partiye ezasi yéngi bash wezirni we partiyening yéngi rehbirini axirqi ikki namzat ichidin saylap chiqidu. axirida, boris jonsondin boshalghan bash wezirlik binasi 10-nomurluq ishxanining yéngi xojayini 5-séntebir éniq bolidu.