awstraliyening sidnéy shehiride 85 ming kishi tarqaqlashturulidighan boldi
awstraliyening yéngi jenubiy wélis ishtatining paytexti sidnéyda 30 - iyundin buyan dawamlishiwatqan shiddetlik yamghur we kelkün sewebidin sheher we etraptiki rayonlardin 85 ming kishini tarqaqlashturush qarari maqullandi.
türkiye awazi radiyosi xewiri: sidnéyda yéqinqi künlerde yaghqan qattiq yamghur sewebidin tosma we östengler téship kétip, sheherning köp qismi kelkünge duch keldi.
yéngi jenubiy wélis bash ministiri dominik pérrotétét kelkün sewebidin öyliri su astida qalghan yaki xeter astida qalghan 85 ming kishining tarqaqlashturulidighanliqini élan qildi.
mesullar tünügün 50 ming kishini tarqaqlashturush buyruqi bergenlikini, apetning tesiri küchiyishi sewebidin tarqaqlashturush buyruqining sidnéy we uning etrapidiki rayonlarda yashaydighan 85 ming kishini öz ichige alidighan derijide kéngeytilgenlikini bildürdi.
bash ministir antoniy albanis kelkünning tesirige uchrighuchilar üchün fédératip yardemlerning ete teyyar bolidighanliqini élan qildi.
yéngi jenubiy wélis ishtatidatünügün texminen 23 olturaq rayon «apet rayoni» dep élan qilinghan idi.
