malida mina partlash weqesi yüz berdi
malining kidal rayonida, birleshken döletler teshkilati tinchliq saqlash küchi eskerlirining eshya oborot etriti aptomobilning yoldiki minagha soqulup kétishi netijiside 2 esker hayatidin ayrildi.
türkiye awazi radiyosi xewiri: birleshken döletler teshkilatining malidiki köp tereplik bir gewdileshtürüsh – muqimlashturush wakaletxanisi bayanatchisi oliwiér salgado, ammiwi ortaqlishish tor béti Twitter sehipiside élan qilghan bayanatida, b d t ning malidiki köp tereplik bir gewdileshtürüsh – muqimlashturush wakaletxanisining tinchliq saqlash küchi eskerlirining eshya oborot etriti aptomobilning kidal rayonidiki tésalit-gaw tashyolidiki minagha soqulup ketkenlikini, qazada, 2 eskerning hayatidin ayrilghanliqini, 5 eskerning éghir yarilanghanliqini eskertti.
igilinishiche, malining shimali we ichki qismlirida turushluq birleshken döletler teshkilatining malidiki köp tereplik bir gewdileshtürüsh – muqimlashturush wakaletxanisida, 61 dölettin 15000 din artuq esker we saqchi wezipe ötimekte iken.
