iran banka sistémilirigha chet eldin tor arqiliq kirishni toxtatti

türkiye awazi radiyosi xewiri: iran resmiy xewer agéntliqi — IRNA , téhran hökümitining, tor hujumlirigha taqabil turush organlirining tewsiyesige asasen, iran banka sistémisini dölet sirtidin ziyaret qilishni waqtinche toxtitip qoyghanliqini xewer qildi؛ lékin xewerde, qararning tepsilati toghrisida melumat bérilmidi.

bu cheklimilerning tor tehditining aldini élish üchün mesul organlarning mesliheti bilen qollinilghanliqi körsitilgen xewerlerde, héchqandaq uchur bérilmigen.

yéqinqi yillardin buyan «jawabkarining israiliye ikenliki ilgiri sürülgen» bir qatar tor hujumlirigha duch kelgen iran, israiliyege qarshi tor hujumi teshkillesh bilen eyiblenmekte.

14 – iyun israiliyediki «tekshürüsh nuqtisi tetqiqati» namliq tor bixeterliki shirkiti iranning tor hujumi qozghighanliqini ilgiri sürüp, kimlik uchurlirini qolgha chüshürüsh gherezlik tor hujumida israiliyening sabiq tashqi ishlar ministiri tzipi liwni we amérika qoshma ishtatlirining tél awiwda wezipe ötigen sabiq bash elchisi  qatarliq israiliye we amérikaning yuqiri derijilik emeldarlirining zerbe obéykti qilip tallanghanliqini, iran bolushi mumkin dep qariliwatqan xakkérlarning bir qisim emeldarlarning éléktronluq xet alaqisini qolgha chüshürüwalghanliqini bildürgenidi.

iranda bolsa, axirqi qétim 6-ayning 27-küni iranning xuzistan ölkisidiki eng chong polat - tömür shirketlirining biri tor hujumigha uchrighandin kéyin, shirketke tewe üch zawutta ishlepchiqirishning toxtitilghanliqi élan qilinghanidi.