polsha ukrainaliq yashlarning urushqa qatnishishi üchün tedbir qollinidighan boldi
polsha dölet mudapie ministiri wladlaw kosiniak kamysiz polshaning eskerlik yashgha yetken ukraina puqralirining ukrainagha qaytip kétishige yardem bérishke teyyar ikenlikini éytti.
türkiye awazi radiyosi xewiri: ukraina hökümiti charshenbe küni eskerlik yashgha yetken ukraina puqralirining pasportlirini peqet dölet ichidila yéngiliyalaydighanliqini, ukrainaning cheteldiki wakeletxanilirida yéngiliyalmaydighanliqini éan qilghan idi.
yéngi shertlerge asaslanghanda, 18 yashtin 59 yashqiche bolghan ukrainaliq erler eger dölet sirtida bolsa, pasportlirini yéngiliyalmaydiken.
polsha dölet mudapie ministiri wladlaw kosiniak kamysiz <Polsat News > téléwiziye qanilining ziyaritini qobul qilip, dölitining bu mesilide ukrainagha yardem bérishke teyyar ikenlikini éytti.
ministir kosiniak kamysiz: «nurghunlighan polshaliqlarning méhmanxanilarda turiwatqan we qehwexanilarda waqit ötküzüwatqan ukrainaliq yashlarni kögenlikliri üchün ukrainagha yardem bérishimiz kéreklikige dair sözlerdin narazi boluwatqanliqini bilimen. hazir toqunush rayonida turuwatqan ukrainaliqlarmu bashqa döletlerge ketken tengtüshlirige qarita yaxshi tuyghuda emes» dédi emma polsha hökümitining zadi qandaq tedbirlerni qollinishni oylashqanliqini bildürmidi.
yawropa istatistika idarisining 2024 -yilining béshidiki sanliq melumatlirigha asaslanghanda, yawropa ittipaqi döletliride 860 ming quramigha yetken erni qoshqanda, jemiy 4 milyon 300 ming ukrainaliq yashaydiken.