israiliyening ghezzede dawamlashturuwatqan qetliamliri dawamida ölgenler sani 34 ming 305 ke yetti
israiliye armiyesining ghezze rayonida uda 202 kündin buyan dawamlashturuwatqan qetliamliri dawamida hayatidin ayrilghan pelestinliklerning sani 34 ming 305 ke yetti.
türkiye awazi radiyosi xewiri: ghezzediki pelestin sehiye ministirliqining bu heqte élan qilghan bayanatida, israiliye armiyesining ghezze rayonida uda 202 kündin buyan dawamlashturuwatqan qetliamliri heqqide melumat bérildi.
bayanatta bildürülüshiche, israiliye armiyesining yéqinqi 24 saet ichide ghezze rayonigha qilghan hujumliri dawamida yene 43 pelestinlik hayatidin ayrilghan, 64 pelestinlik yarilanghan.
shuning bilen, israiliye armiyesining 7-öktebirdin bashlap ghezze rayonida dawamlashturuwatqan hujumliri dawamida hayatidin ayrilghan pelestinliklerning sani 34 ming 305 ke, yarilanghanlarning sani bolsa 77 ming 293 ke yetken.
bayanatta tekitlinishiche, xarabiliklerning astida we yol boylirida ölükler bar iken, emma israiliye eskerlirining tosalghusi sewebidin, dawalash etretliri bilen xelq mudapie xadimlirining bu jaylargha baralishi we jesetlerni élip kétishi mumkin emes iken.
