ingliz général: engliye yawropada yene bir qétimliq urushqa teyyar bolushi kérek

türkiye awazi radiyosi xewiri: engliyeing yéngi armiye ishtab bashliqi patrik sandérs(Patrick Sanders): «rusiyening ukrainani ishghal qilishi, engliyeni qoghdash meqsitimizge xizmet qilish üchün quruqluqta urush qilishqa we ghelbe qilishqa teyyar bolushimiz kéreklikidin bésharet béridu. ittipaqdashlirimizni qollap urush qilalaydighan we rusiyeni yingeleydighan armiye qurush wezipimiz bar» dédi.

u 1941-yildin buyan «yawropada dunya xaraktérlik küchni öz ichige alghan quruqluq urushining kölenggiside» armiyening qomandanliq wezipsini üstige alghanliqini eskertip: «biz armiyeni yene bir qétim yawropada urushqa teyyarlishi kérek bolghan ewladlarmiz» dédi.

engliye bash weziri boris jonson kiyéw ziyaritide ukraina pirézidénti wolodimir zélénskiy bilen körüshkendin kéyin élan qilghan bayanatida, «wladimir putinning ishghali yéngi basquchqa qedem qoyidu» dégen idi.

boris jonson taymés gézitige yazghan maqalisidimu, «putin ukrainani rehimsizlerche basturushqa urunuwatidu. men bizning uzun muddetlik urushqa özimizni teyyarlishimiz kéreklikidin qorquwatimen» dégen idi.