русийә: ашлиқни достлиримизғила сатимиз

түркийә авази радийоси хәвири: русийә йеза игилики министири дмитрий патрушев саинт петерсбург хәлқара иқтисад мунбиридә, тәминләш зәнҗирлириниң бузулуши вә пул-муамилә ишлиридики мәсилиләр қатарлиқ нурғун қийинчилиқлар үстидә тохталди.

у сөзидә, русийәниң әң көп еһтийаҗлиқ болған дөләтләрни йемәк-ичмәк билән тәминләш үчүн бу қийинчилиқларни йиңиши керәкликини билдүрди.

у: «йеза игилик мәһсулатлиримиз сиртқи базарларға чиқирилиду, әмма биз билән дост болған, бизгә қийинчилиқ вә тосқунлуқ пәйда қилмиған дөләтләргила сетилиду» деди.

русийә пирезиденти владимир путин өткән ай байанат елан қилип, русийәниң бу йил (2022) буғдайдин рекорт сәвийәдә мол-һосул елишни күтидиғанлиқини билдүргән иди.

у бәзи дөләтләрниң ачарчилиққа дуч келиши мумкинликини билдүрүп, буниң пүтүнләй «ғәрб дөләтлириниң гунаһи» икәнликини илгири сүргән иди.

буғдай баһаси йеқинқи икки һәптидә рекорт сәвийәгә чиқиши билән, ашлиқ киризиси дунйа миқйасида һес қилинишқа башлиди.

һава райи вә вухән вируси(Kovid-19)  ниң тәсиригә учриған дунйа йемәк-ичмәк базири, 24-феврал (2022) башланған украина-русийә уруши вә ғәрбниң москваға йүргүзгән ембарголири сәвәбидин йәнә бир қетим еғир зәрбигә учриди.