maduro OPEC bash katipi bilen körüshti
wénézuéla pirézidénti nikolas maduro néfit éksport qilghuchi döletler teshkilati (OPEC) bash katipi heysem elgheys bilen néfit bazirini muqimlashturushning zörür chare – tedbirlirini tépish mesiliside pütüshkenliklirini éytti.
türkiye awazi radiyosi xewiri: maduro, ammiwi ortaqlishish tor béti Twitter sehipiside, kuweytqa qilghan ziyariti dairiside, néfit éksport qilghuchi döletler teshkilati bash katipi heysem elgheys bilen élip barghan uchrishishi heqqide élan qilghan bayanatida, körüshüshning intayin muweppeqiyetlik ötkenlikini, pütkül dunyada néfit bazirini muqimlashturushning zörür chare – tedbirlirini tépish mesiliside pütüshkenliklirini qeyt qildi.
wénézuéla dölitining zor néfit zapisigha ige néfit we tebiiy gaz shirkiti PDVSA, amérika qoshma ishtatlirini öz ichige alghan nurghun döletlerning iqtisadiy émbargolirigha duch kelmekte.
gherb taratqulirining xewer qilishiche, washington hökümiti, mushu ayning bashlirida, rusiyege tayinishni azaytishqa yardemchi bolush ümidi bilen, aridin uzun waqit ötkendin kéyin, wénézuéla néfitining qaytidin yawropagha éqishigha yéshil chiragh yaqqan.