rusiye 61 amérikaliq üchün émbargo yürgüzüshni qararlashturdi
rusiye tashqi ishlar ministirliqi amérika qoshma ishtatliri maliye ministiri janét yéllén we énérgiye ministiri jénnifér granxolmni öz ichige alghan 61 amérika puqrasi üchün émbargo yürgüzüshni qarar qildi.
türkiye awazi radiyosi xewiri: rusiye tashqi ishlar ministirliqi teripidin élan qilinghan bayanatta, amérika qoshma ishtatlirining rus siyasiyonlar, karxanichilar we jamaet erbablirigha qarita dairisini üzlüksiz kéngeytiwatqan émbargolirigha jawab teriqiside, 61 amérika puqrasigha rusiyege kirishining menggülük cheklengenliki bildürüldi.
bu émbargoning herbiy sanaet sahesining yuqiri derijilik bashqurghuchiliri, axbarat munberliri we bahalash organlirining mesulliri, ayropilan we paraxot shirketlirining bashqurghuchilirini öz ichige alidighanliqi eskertilgen bayanatta, rusiyening tor hujumi élip barghanliqi toghrisidiki dewalarni tarqatqan amérika qoshma ishtatliri tashqi ishlar ministirliqi emeldarliriningmu bu tizimliktin orun alghanliqi qeyt qilindi.
émbargo tizimlikidin aqsaraydiki uchur - alaqe diréktori keyt béddingfilid qatarliq bir qisim emeldarlarning isimliriningmu orun élishi diqqet qozghidi.
