blinkén amérikaning xitay siyasiti toghrisida toxtaldi

türkiye awazi radiyosi xewiri: antoniy blinkén washingtonda ötküzülgen bir söhbet yighinida, jo baydin hökümitining xitay siyasiti toghrisida toxtaldi؛ u, amérikaning xitay yaki bashqa döletler bilen yéngi soghuq munasiwet ornitishning koyida emeslikini tekitlep: «biz xitayning xelqara tertipke qarshi namayan qilghan uzun muddetlik eng éghir doél élan qilishigha qarshi hoshyar turuwatimiz. xitay, hem xelqara tertipni qaytidin ornitishqa urunuwatqan, hemde iqtisadiy, diplomatik, herbiy we téxnologiye jehettin buni royapqa chiqirish küchige ige birdinbir dölet» dédi.

antoniy blinkén amérikaning xitay bilen bolghan munasiwettiki ottura mezgillik nishanini tilgha élip: «pirézidént baydinningmu éytqinidek, biz bashtin kechürüwatqan bu on yil, kelgüsi uzun yillar boyiche hel qilghuch rol oynaydu. bizning dölet ichi – sirtida tashlaydighan qedemlirimiz yéqin kelgüsidiki ehwalimizni belgileydu. shuning üchün bizning qarishimizni <meblegh sal, ittipaqdashliq ornat we riqabetlesh> tin ibaret üch sözge yighinchaqlash mumkin» dédi we sözini dawamlashturup: «... biz toqunush yaki yéngi soghuq urushning koyida emes, eksiche, bizning bulardin saqlinish iradimiz qetiy. biz xitayning chong küch bolush roligha tosqunluq qilish yaki uni toxtitishning koyida emes, emma biz xelqara qanun, pirinsip we organlarni qoghdashni dawamlashturimiz» dégenlerni qeyt qildi.

blinkén, amérikaning teywenning bixeterlikige tutuwatqan pozitsiyeside özgirish yoqluqini tilgha élip: «amérikaning bu mesilige tutqan pozitsiyesi uzun yillardin buyan izchil dawamlashmaqta. biz teywenni musteqil dölet dep étirap qilmaymiz. pirézidént baydinningmu éytqinidek, amérika <bir xitay> siyasitide ching turidu» dédi.