б д т талибанни кишилик һоқуқ чәклимилиридин ваз кечишкә чақирди
бирләшкән дөләтләр тәшкилати афғанистанда һакимийәт йүргүзүватқан талибанни афған айаллар вә қиз балиларниң кишилик һәқ – һоқуқлириға чәклимә қойидиған сийасәтләрдин дәрһал ваз кечишкә чақирди.
түркийә авази радийоси хәвири: бирләшкән дөләтләр тәшкилати хәвпсизлик кеңиши тәрипидин елан қилинған ортақ байаннамидә, афғанистанда айаллар вә қиз балиларниң һәқ – һоқуқлириға чәклимә қойулушидин қаттиқ әндишә қилиниватқанлиқи тәкитлинип мундақ дейилди: «маарип, ишқа орунлишиш, паалийәт әркинлики, айалларниң дөләт орунлиридики хизмәт һайатиға толуқ, баравәр вә әһмийәтлик қатнишишини чәкләш хәлқара җәмийәтниң еңиға зиттур.»
айал дикторларниң телевизийә екрани алдида йүзини йепиши вә айалларниң зөрүр тепилғанда өйдин сиртқа чиқиши қатарлиқ паалийәтлиригә чәклимә қойулушиниң толиму әндишилик әһвал икәнлики әскәртилгән байанатта, талибан, афған айаллар вә қиз балиларниң кишилик һәқ – һоқуқлириға чәклимә қойидиған сийасәтләрдин дәрһал ваз кечишкә чақириқ қилинди.
