maymun chéchiki wirusining keng tarqilish éhtimali töwen
igilinishche, maymun wirusi yawropa ittipaqigha eza 9 dölette 67 ademde bayqalghan bolup, bu késelning keng xelq ammisigha tarqilish éhtimalliqi intayin töwen iken.
türkiye awazi radiyosi xewiri: yawropa késelliklerning aldini élish we kontrol qilish merkizi(ECDC) ilgiri 8 dölette 85 dep élan qilghan maymun chéchiki wirusigha munasiwetlik weqe sanini 67 ge özgertti.
yawropa késelliklerning aldini élish we kontrol qilish merkizining tekshürüsh netijisige qarighanda, 15-maydin 23-mayghiche awstriye, bélgiye, firansiye, gérmaniye, italiye, gollandiye, portugaliye, ispaniye we shiwétsiye qatarliq döletlerde maymun chéchiki wirusigha munasiwetlik weqeler körülgen.
bildürülishiche, bu késellik yuqumlanghan kishining shilimshiq perdisi bilen uchrishish, zexmilengen tére yaki uzun muddet yüz turane uchrishishta nepes yoli tamchiliri arqiliq yuqidiken.
yawropa késelliklerning aldini élish we kontrol qilish merkizining diréktori andéya ammon (Andea Ammon): «bayqalghan késelliklerning köpinchiside, yénik késellik alametliri körülidu. késellikning keng tarqilish éhtimali intayin töwen» dédi.
