ukrainaning yawropagha eza bolushigha 15 - 20 yil waqit kétidighanliqi ilgiri sürüldi
firansiyening yawropa ishlirigha mesul ministiri klémént bion ukrainaning yawropa ittipaqigha eza bolushigha 15-20 yil waqit kétidighanliqini éytti.
türkiye awazi radiyosi xewiri: firansiyening yawropa ishlirigha mesul ministiri klémént bion firansiye pirézidénti émmanuél makronning ukrainani yawropa ittipaqigha téximu burun eza qilishqa paydiliq «yawropa siyasiy ortaq gewdisi» qurush teklipini qayta tekitlep: «men ukrainaliqlargha her qandaq bir xam xiyal sunush yaki yalghan éytishni xalimaymen» dédi.
bir radiyo qanilining soallirigha jawab bergen firansuz ministir: «semimiy bolushimiz kérek. eger ukrainaning alte ay yaki bir - ikki yil ichide yawropa ittipaqigha eza bolidighanliqini otturigha qoysingiz, yalghan sözligen bolisiz. (buninggha) 15 yaki 20 yil waqit kétishi mumkin» dégenlerni qeyt qildi.
pirézidént makronning yawropa siyasiy ortaq gewdisi qurush teshebbusining 6 - aydiki yawropa ittipaqi bashliqlar yighinida muzakire qilinishi kütülmekte.
