پولكوۋنىك سەيياد خودايى تېھراندا قەستلەپ ئۆلتۈرۈلدى

تۈركىيە ئاۋازى رادىيوسى خەۋىرى: ئىران ئىنقىلابىي مۇھاپىزەتچىلىرى ئارمىيەسى بايانات ئېلان قىلىپ، پولكوۋنىك سەيياد خودايىنىڭ ئۆيىگە يېقىن جايدا قوراللىق ھۇجۇمغا ئۇچرىغانلىقىنى ئۇقتۇردى.

باياناتتا، ئىككى موتوسىكلىتلىق كىشىنىڭ پولكوۋنىك سەيياد خودايىنىڭ ئاپتوموبىلىنى ئوققا تۇتقانلىقى، بېشىغا ئوق تەگكەن خودايىنىڭ نەق مەيداندا قازا قىلغانلىقى بىلدۈرۈلدى.

خوداينىڭ ئىران ئىنقىلابىي مۇھاپىزەتچىلىرى ئارمىيەسى قارمىقىدا سۈرىيەدە ۋەزىپە ئۆتىگەنلىكى بىلدۈرۈلدى.