tunis déngiz tewelikide bir qolwaq chöküp ketti
tunis déngiz tewelikide qanunsiz köchmenler olturghan qolwaq chöküp ketti, töt köchmen jénidin ayrildi.
türkiye awazi radiyosi xewiri: tunis tap (TAP) xewer agéntliqining déngiz armiyesini neqil qilghan xewiride bildürülishiche, tunisning jenubigha jaylashqan safakés déngiz tewelikide bir qolwaqning sugha chöküp ketkenliki uchurining kélishi bilen izdesh-qutquzush xizmetliri bashlanghan.
xadimlarning tirishchanliqi netijiside, qolwaqtiki 44 köchmen qutquzuwélinghan, töt köchmenning jesiti tépilghan.
iz-déreksiz yoqap ketken 10 kishini qutquzush xizmetlirining dawamlishiwatqanliqi, qolwaqtiki köchmenlerning hemmisining tunisliq ikenliki bildürüldi.
afriqaning sherqige jaylashqan tunis we liwiyege oxshash döletler aqdéngizdin qanunsiz yollar bilen yawropagha barmaqchi bolghan köchmenler üchün chiqish nuqtisi hésablinidu. her yili minglarche köchmen téximu yaxshi turmush arzusi bilen afriqadin aqdéngiz arqiliq yolgha chiqidu. köchmenlerning bir qismi yawropagha yétip baralisimu, lékin yene bir qismi déngizda jénidin ayrilidu.
