téhranda mektepler dem élishqa qoyup bérildi

türkiye awazi radiyosi xewiri: iran taratqulirining xewirige qarighanda, téhranning muawin sheher bashliqi abid meleki sheherdiki hawa bulghinish derijisi we qollanghan tedbirler heqqide bayanat bérip: «atmosféra bulghinish jiddiy komitéti intayin nachar sharaitlar sewebidin yighin chaqirdi. seyshenbe küni (2022-yili 17-may) hawa bulghinishi küchiyidu. bu sewebtin, téhrandiki barliq organlar, uniwérsitétlarni öz ichige alghan barliq yash guruppiliri üchün mekteplerni taqash qarar qilindi» dédi.

téhran waliysi kirizis bashqurush bash mudiri yezdi méhr: «météorologiye orginining melumatigha qarighanda, téhranda qizghuch sériq (sezgür) ehwal otturigha chiqqan. biz téhran xelqini, bolupmu salametliki ajiz kishilerni bügün we ete (16-17-may) öyliridin sirtqa chiqmasliqqa chaqirimiz» dédi.

sheherning hawaning tazilinishigha mas bolmighan jughrapiyelik orni we nopus zichliqi, shundaqla konirap ketken aptomobillar bilen daim ishlitilidighan motosiklitlar chiqarghan gaz, téhrandiki hawa bulghinishini kücheytken amillarning biri süpitide qarilidu.

dunyadiki hawa bulghinish ret tertipide aldinqi üch sheherning qatarigha kiridighan téhranda, mektepler bu sewebtin daim dem élishqa qoyup bérilidu.