xitay sériq déngizda manéwir ötküzdi
xitay déngiz armiyesi sériq déngizda qolidiki eng chong «lasa» (Lhasa) namliq qoghlighuchi paraxotning qatnishishi astida manéwir ötküzdi.
türkiye awazi radiyosi xewiri: xitay yerlik taratquliridiki xewerlerde bildürülishiche, balistik bashqurulidighan bombilar ornitilghan «Tip 055» we «Tip 056A» tipliq paraxotlar sériq déngizdiki manéwirgha qatnashqan.
xitayning s s t w qanili (CCTV) ning xewiride, manéwirgha su asti paraxotliri, baldur signal bérish ayropilanliri we tik ucharlarningmu qatnashturulghanliqi؛ manéwirning üch kün dawamlashqanliqi we ayropilan atar, paraxot atar su asti paraxot atar telim-terbiyelirining bérilgenliki qeyt qilindi.
xitay déngiz armiyesi 2017-yildin 2020-yilghiche bolghan mezgilde sekkiz dane «Tip 055», yéqinqi 10 yilda bolsa, 70 tin köp «Tip 056A» we «Tip 056» herbiy paraxotlirini terkibige sepligen idi.
bu yil yanwarda (2022) xitay déngiz armiyesige seplinip bérilgen «lasa» namliq qoghlighuchi paraxot 12 ming tonna éghirliqi bilen amérika déngiz armiyesining «DDG-1000» tipliq qoghlighuchi paraxotidin qalsila «dunyadiki eng küchlük ikkinchi qoghlighuchi paraxot» süpitide bilinidu.
