атақлиқ җинайәтчи атонелниң америкаға өткүзүп берилиши қораллиқ тоқунушқа сәвәб болди

түркийә авази радийоси хәвири: тоқунушта 6 киши қаза қилди.

клан дел голфо намлиқ җинайәт тәшкилатиниң әзалири атонелниң америкаға тапшуруп берилишиниң интқамини елиш үчүн коломбийәниң һәммила җайлирида «қораллиқ иш ташлаш» дәп нам берилгән һуҗумлирини башлиди.

һуҗумниң алдинқи 3 күнидә 180 дин артуқ аптомобилға өт қойуп берилди. колумбийәдики тоқунушларда бир нәпәр сақчи вә бир нәпәр әскәрни қошқанда җәмий 6 киши һайатидин айрилди.

бихәтәрлик қисимлириниң клан дел голфо тәшкилатиға қарши һәрикитидә, тәшкилатниң башламчилиридин бирини қошқанда, җәмий 92 киши қолға елинди.

атонел пайтәхт боготадики диҗин түрмисидин елинип, 5-майда катам һәрбий айродромидин нйу-йоркқа қарашлиқ бруклиндики федератсийә түрмисигә елип келингән иди.

колумбийәдә онлиған қатиллиқ, тутқун қилиш, җинайи тәшкилат қуруш вә зәһәрлик чекимлик ​​әткәсчилики қатарлиқ 120 хил җинайәт билән сотлиниватқан җинайәт тәшкилати клан дел голфониң каттибеши отонелниң америкида зәһәрлик чекимлик ​​тошуш җинайити билән сотлинидиғанлиқи билдүрүлгән иди.

отонел 23-өктәбирдә колумбийәниң ғәрбий шималидики некокли йезисида 22 тик учар, 650 сақчи вә әскәрләр қатнашқан «осирис» намлиқ һәрикәттә назарәткә елинған иди.

америка «әң хәтәрлик зәһәрлик чекимлик ​​әткәсчилиридин бири» дәп көрсәткән отонел америкаға тонниларчә кокайин йоллаш билән әйибләнгән иди.