yaponiye rusiyege qaratqan émbargolarning dairisini kéngeytidu
yaponiye bash weziri kishida fumio ukrainadiki urush sewebidin bir qisim ruslar we rus shirkitlirige qaritilghan émbargolarning dairisini kéngeytidighanliqlirini éytti.
türkiye awazi radiyosi xewiri: bash wezir kishida, yawropa ziyaritining axirqi küni, engliyening paytexti londonda élan qilghan bayanatida, dölitining rusiyege qaratqan émbargolirini yenimu yüksek sewiyege yetküzidighanliqini eskertish bilen bir waqitta, 7 – g guruhi döletlirining ukrainada öz üstige éliwatqan rollirining nahayiti zor ehmiyetke ige ikenlikini tekitlep mundaq dédi: «tinchliq we muqimliqni qoghdash üchün 7 – g guruhi elliri ara hemkarliqni kücheytishimiz kérek.»
u, texminen 140 kishining mal – mülüklirini tonglitip qoyidighanliqlirini, rusiye armiyesi bilen munasiwiti bar 70 shirketke éksport cheklimisi qoyidighanliqlirini qeyt qildi.
igilinishiche, bu heqte chiqirilghan qarargha asasen, yaponiye hökümiti, rusiyege kiwant kompyutér qatarliq ilghar téxnologiyelerni öz ichige alghan mal éksport qilishnimu chekleydiken.
rusiye armiyesi, 24 – féwral küni ukrainagha herbiy heriket qozghighanidi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
