yemende öy – makanliridin köchüshke mejbur boluwatqanlarning sani köpeymekte
yemende bu yil kirgendin buyan 33 mingdin artuq kishining öy – makanliridin köchüshke mejbur bolghanliqi bildürüldi.
türkiye awazi radiyosi xewiri: birleshken döletler teshkilatigha qarashliq xelqara köchmenler teshkilati (IOM) teripidin élan qilinghan doklatqa qarighanda, bu teshkilatqa qarashliq guruppilar, bu yilning bashliridin 23 – aprélghiche bolghan ariliqta yemendiki öy – makanlirini terk étishke mejbur bolghan aililer sanining 33 ming 336 kishidin teshkil tapqan 5 ming 556 ikenlikini éniqlap chiqghan.
bu aililerning köpinchisi hudeyde, taiz we dali sheherliridiki toqunushlar sewebidin öy – makanliridin köchüshke mejbur bolghan.
igilinishiche, yemendiki iran qollawatqan husiylar, 2014 – yili séntebirdin buyan paytext sana we bezi rayonlarni kontrol qilmaqta iken. seudi erebistan bashchiliqidiki ittipaqdash küchliri bolsa, 2015 – yili marttin buyan husiylargha qarshi yemen hökümitini qollimaqta iken.
yeende uda 7 yildin buyan üzlüksiz dawamlishiwatqan toqunushlarda texminen 377 ming kishi hayatidin ayrilghan. dunya boyiche eng namrat döletler qataridin orun alghan yemendiki ichki urush sewebidin barghanséri yamanlishiwatqan insaniy tiragédiye qorqunchluq sewiyege yetken.