украина билән русийә инсаний каридор мәсилисидә келишәлмиди
украина муавин баш министири ирина верешчук пуқраларни тарқақлаштуруш үчүн инсаний каридор тәсис қилиш мәсилисидә, келишим һасил қилиналмиғанлиқини билдүрди.
1814576
түркийә авази радийоси хәвири: украина муавин баш министири ирина верешчук пуқраларни тарқақлаштуруш үчүн инсаний каридор тәсис қилиш мәсилисидә келишим һасил қилиналмиғанлиқини вә каридорларниң бүгүнму (19-апрел) ечилмайдиғанлиқини елан қилди.
у телеграм адресида елан қилған байанатида: «наһайити әпсуски бүгүн инсаний каридорлар ечилмайду. донбаста шиддәтлик бомбардиман давамлишиватиду. руслар марийуполда пуқралар үчүн бердйанск йөнилишидә бир каридор ечишни рәт қиливатиду. херсон вә харкив районлирида инсаний каридорларниң ечилиши тоғрисида наһайити қийин музакирәләр давамлишиватиду» деди.
