русийә «қарши елинмайдиған» америкалиқ дипломатларниң тизимликини америка тәрәпкә тапшурди

түркийә авази радийоси хәвири: русийә, бирләшкән дөләтләр тәшкилати (б д т) ниң рус дипломатларни қоғлап чиқириш қараридин өч елиш үчүн «қарши елинмайдиған кишиләр» дәп елан қилған америка дипломатлириниң тизимликини америка қошма иштатлириниң москвада турушлуқ әлчиханисиға тапшурди.

русийә ташқи ишлар министирлиқи байанат елан қилип, американиң москвадики әлчиханисиниң йуқири дәриҗилик дипломатиниң министирлиққа чақиртилип, мунасивәтлик ултиматомниң тапшурулғанлиқини уқтурди.

байанатта, вашингитонниң, б д т катибат башқармисида вә б д т ниң нйу йорктики даимий вакаләтханисида ишләватқан русийә дипломатлирини чегрдин қоғлап чиқиришиға қарши «қарши елинмайдиған кишиләр» дәп елан қилинған америка дипломатлириниң тизимликиниң мәзкур  ултиматомдин орун алғанлиқи қәйт қилинди.

байанатта йәнә, ултиматомда, американиң русийәгә қарши ташлайдиған һәр қандақ дүшмәнләрчә һәрикитигә қаттиқ җаваб қайтурулидиғанлиқиниң әскәртилгәнликигә даир учурларғиму орун берилди.