zélénskiyning üch qétimliq qestlep öltürüsh urunushidin aman qalghanliqi bildürüldi
ukraina pirézidénti wiladimir zélénskiyning aldinqi hepte kem dégende üch qétimliq qestlep öltürüsh weqesidin aman qalghanliqi ilgiri sürüldi.
türkiye awazi radiyosi xewiri: engliyede chiqidighan «taymis géziti», rusiye ukrainagha bésip kirgendin kéyin, qestlep öltürüsh guruppilirining pirézidént zélénskini üch qétim qestlep öltürüshke urunghanliqini؛ ikki qétimliq qestlep öltürüshke urunush herikitini wagnér shirkiti yallanma eskerlirining élip barghanliqini ilgiri sürdi.
xewerde, ukraina rehbirining shenbe künimu paytext kiyéwda chéchen suyiqestchilirining hujumidin aman qalghanliqi bildürüldi.
xewerde körsitilishiche, rusiyediki urushqa qarshi dölet bixeterlik xadimliri teminligen uchurlar sayisida qestlep öltürüsh urunushlirining aldi élinghan.
bir diplomatik menbe «taymis géziti»ge bayanat bérip, ukraina rehbirining öltürülüshining urush yönilishige zor tesir körsitidighanliqini otturigha qoydi.
rusiye armiyesi 24 - féwral ukrainagha bésip kirip, ishghal herikitini bashlighanidi.
