кийев қаршилиқ көрситишкә тәййарланди
русийәниң һуҗум қиливатқиниға бир һәптә болған украинада, пайтәхт кийев қаршилиқ көрситишкә тәййарлиқ қилмақта.
түркийә авази радийоси хәвири: кийев шәһириниң бир қанчә йеригә тосуқлар орнитилип, русийә әскәрлири вә танкилириниң киришигә қарши тәдбирләр елинди. кочиларда акоплар йасалди, бәзи көврүкләр партлитиветилди.
русийә қисимлири бир қанчә күндин буйан пайтәхт кийевға қарап илгирилимәктә иди.
түнүгүн (2022-йили 2-март) кәчтә кийевдә қаттиқ партлаш авази аңланди.
украина ички ишлар министири антон герашченко русийәниң кийевдики исситиш мәркизигә башқурулидиған бомба атқанлиқини елан қилди. миңларчә киши райондин тарқақлаштурулди, кийевниң бәзи җайлирида пар тохтиди.
русийә қисимлириниң шәһәргә йеқинлашқанлиқиниң билдүрүлүши билән, шәһәр пуқралири өйлиридин айрилип бихәтәр дәп қариған җайларда, йәни үсти йепиқ машина тохтитиш орунлири вә метро бекәтлиридә панаһлиниватқан иди.
русийә шәһәрдики телевизийә мунариғиму башқурулидиған бомба атқан иди.
