путин германийә баш министири шолзниму охшаш шәкилдә күтүвалди
русийә пирезиденти владимир путин германийә баш министири олаф шолзниму фирансийә пирезиденти макронни күтүвалған узун үстәлдә күтүвалди.
түркийә авази радийоси хәвири: русийә ғәрбкә бихәтәрлик капалити сунғандин кейин, москва билән дипломатик учришишлар давам қилмақта.
өткән һәптә фирансийә пирезиденти макронни кремил сарийида күтүвалған путин, бүгүн (2022-йили 15-феврал) германийә баш минстири шолзни күтүвалди.
уму макрон олтурған үстәлгә тәклип қилинди.
шолзниң русийәлик дохтурларниң п с р (PCR) тәкшүрүшини рәт қилғанлиқи, москвадики германийә әлчиханисиниң германийәлик дохтуриниң тәкшүрүшини қобул қилғанлиқи билдүрүлди.
икки рәһбәр айрим көрүшүшкә өтүштин бурун, қисқичә байанат елан қилди.
путин шолз билән муһим мәсилиләрни музакирә қилидиғанлиқлирини билдүрүп: «йавропадики бихәтәрлик вәзийити вә украина әтрапидики вәқәләргә четишлиқ мәсилиләр көрүшүшимизниң муһим қисмини тәшкил қилиду» деди.
у өткән һәптә фирансийә пирезиденти макрон билән көрүшкәнликини хатирилитип: «сөһбитимиз җәрйанида күнтәртипкә кәлгән мәсилиләрни макронниң сизгә мәлумат бәргәнликини билимән. немиләрниң болғанлиқиға мунасивәтлик сизниң қарашлириңизни аңлаш, биз үчүн пайдилиқ дәп ойлаймән »деди.
шолз дөләтләр оттурисидики мәсилиләрниң дийалог йоли билән һәл қилиниши керәкликигә ишинидиғанлиқини тәкитлиди.
