jonson we jonson waksina ishlepchiqirishni waqitliq toxtatti
jonson we jonson «Johnson and Johnson» dora shirkitining wuxen wirusi (Kovid-19) waksinasi ishlepchiqirishni jimjit toxtatqanliqi ilgiri sürüldi.
türkiye awazi radiyosi xewiri: niyu york taymés(NYT) ning xewiride bildürülishiche, merkiziy amérikagha jaylashqan jonson we jonson shirkiti, fédératsiye hökümiti we sehiye mesullirining waksinani teshwiq qilish üchün qilghan éghir bésim sewebidin ötken yil (2021) ning axirilirida wuxen wirusi waksinasi ishlepchiqirishni toxtatqan.
shirketning waksina ishlepchiqirishni toxtitishining, wuxen wirusi waksinasi emlitishke tesir körsitip-körsetmeydighanliqi hazirche éniq emes.
shirketke yéqin bir kishining niyu york taymésqa éytishiche, waksina ishlepchiqirishni waqitliq toxtitish qararining, bir qanche yüz milyon shishe waksinaning aziyishini keltürüp chiqiridiken.
dunya miqyasida waksina tarqitiwatqan organlar bolsa, niyu york taymésqa waksina ishlepchiqirishtiki waqitliq toxtashtin xewersiz ikenliklirini bildürgen bolsimu, beziliri waqit mesilisidiki endishelirini tilgha alghan.
afriqa ittipaqi waksina tarqitish ishlirining teng hoquqluq diréktorliridin doktor ayode alakija: «tereqqiy qiliwatqan döletlerdiki kishilerning hayati xeter astida turuwatqan bügünki künler, her qandaq nersining ishlepchiqirish linyelirini özgertishning waqti emes» dédi.
jonson we jonson waksinasi fayzér bilen modérnagha oxshash ikki shishe emlenmeydighan bolup, bir shishe emlitish yéterlik hésablinidu.
