венезуелада нефит ширкитиниң америкалиқ алтә әмәлдариға берилгән қамақ җазаси җәзмләшти
венезуеланиң алий сот мәһкимиси дөләт илкидики нефит ширкити — PDVSA ниң америкадики шерики Citgo ниң алтә әмәлдарини қамаққа елиш һөкүмини тәстиқлиди.
түркийә авази радийоси хәвири: венезуела йуқири сот мәһкимиси, Citgo йуқири дәриҗилик әмәлдарлириниң наразилиқ әрзигә мунасивәтлик қарарини елан қилди؛ 2017- йили тәклиплик бир йиғинға иштирак қилиш үчүн кәлгәндин кейин чириклик җинайити садир қилиш билән әйиблинип тутқун қилинған 6 америкалиқ әмәлдарға берилгән қамақ җазаси һөкүми җәзмләшти. әмма сот мәһкимиси һазирғичә һөкүмниң сәвәбигә изаһат бәрмиди.
үстидин чиқирилған қамақ җазаси һөкүми җәзмләшкән кишиләрдин томе ваделниң аилисидикиләр байанат берип: «томениң кишилик һоқуқиниң давамлиқ дәпсәндә қилиниватқанлиқидин әпсусландуқ» деди.
бәш нәпири америка пуқраси, бири америкада узун муддәт туруш иҗазитигә игә җәмий алтә әмәлдар, «чириклик» вә «дөләткә зийан йәткүзүш» җинайити билән әйиблинип сотланмақта иди.
Citgo ниң 5 әмәлдариға 8 йил 10 айлиқ қамақ җазаси, қалған биригә 13 йиллиқ қамақ берилгәниди.
америка һөкүмити 6 америка әмәлдариниң «наһәқ сотланғанлиқи»ни илгири сүрүп венезуелалиқ бир сотчи билән бир тәптиш әмәлдарини җаза тизимликигә киргүзгәниди.
