hindistanning xitay chégrasigha s-400 hawa mudapie sistémisi orunlashturidighanliqi ilgiri sürüldi
hindistan rusiyede ishlengen s – 400 tipliq bashqurulidighan bombigha qarshi hawa mudapie sistémisining birinchi bölikini aprél éyida aktiplashturidighanliqini uqturdi.
türkiye awazi radiyosi xewiri: «hindistan waqit géziti»ning mudapie emeldarlirini menbe qilghan xewiride, rusiyedin tapshuruwélinghan s – 400 triumf (Triumph) tipliq ilghar hawa mudapie sistémisini orunlashturush xizmetlirining dawamlishiwatqanliqi otturigha qoyuldi.
bu sistémining bölükining hemmisining xitaydin kélidighan tehditige qarshi ikki dölet chégrasigha orunlashturulidighanliqi ilgiri sürülgen xewerde, birinchi bölekning aprél éyida, qalghan tötining bolsa, 2023 – yili aktiplashturulidighanliqi bildürüldi.
xewerde, yéngi déhli (dilhi) hökümitining, hindistanning rusiyedin qoral sétiwélishigha qarshi chiqqan amérika qoshma ishtatlirigha s – 400 hawa mudapie sistémisini 3488 kilomitirliq xitay chégrasida tehditlerge duch kelgenliki üchün dölet menpeetini közde tutup sétiwalghanliqini diplomatik we bixeterlik yolliri arqiliq bildürgenliki qeyt qilindi.
hindistan 2018 - yili öktebirde rusiyedin 4 milyard 500 milyon dollargha s – 400 tipliq bashqurulidighan bombigha qarshi hawa mudapie sistémisi sétiwalghanidi.
«hindistan waqit géziti», s – 400 hawa mudapie sistémisining tunji bataréyesining ötken ayda penjap ölkisige orunlashturulghanliqini xewer qilghanidi.