amérika shimaliy koréyege inkas qayturdi
amérika shimaliy koréyening qoral we bashqurulidighan bomba pirogrammisini üsküniler bilen teminligen alte shimaliy koréye, bir rusiye we merkizi rusiyege jaylashqan bir shirketni émbargo tizimlikige kirgüzdi.
türkiye awazi radiyosi xewiri: amérika shimaliy koréyening 11-yanwar qilghan bashqurulidighan bomba siniqigha inkas qayturdi.
amérika maliye ministirliqining bayanatida, rusiye bilen xitaydin malzime sétiwélish arqiliq shimaliy koréyening qoral tereqqiy qildurushigha yardem qilish bilen eyiblengen alte shimaliy koréye, bir rusiye we merkizi rusiyege jaylashqan bir shirketning émbargo tizimlikige kirgüzülgenliki qeyt qilindi.
mezkur qedemlerning shimaliy koréyening qoral pirogrammisini tereqqiy qildurushining aldini élish meqsitide bésilghanliqi eskertilgen bayanatta, bu qararlarning shimaliy koréye 2021-yili séntebirdin buyan b d t xewpsizlik kéngishining qararlirigha xilapliq qilip élip barghan alte qétimliq bashqurulidighan bomba siniqi sewebidin élinghanliqi qeyt qilindi.
shimaliy koréye menzili ming kilométirgha yétidighan bashqurulidighan bomba sinaq qilghan idi.
yaponiye bilen jenubiy koréye 11-yanwar shimaliy koréyening bashqurulidighan bomba sinaq qilghanliqini élan qilghan bolup, ikki dölet bashqurulidighan bombining awazdin 10 hesse téz heriket qilidighanliqini élan qilghan idi.
shimaliy koréye 2021-yili 5-séntebirdin buyan hazirghiche alte qétim bashqurulidighan bomba sinaq qildi.
