taliban dölet uniwérstétlirining échilidighanliqini uqturdi
taliban aliy maarip ministir wekili sheyx abdulbaqi heqqani afghanistanda dölet uniwérstétlirining pat arida échilidighanliqini bildürüldi.
türkiye awazi radiyosi xewiri: taliban waqitliq hökümitining aliy maarip ministir wekili sheyx abdulbaqi heqqani axbarat élan qilish yighinida, hazirghiche dölet uniwérstétlirining taqilip turushi sewebining iqtisadiy mesililer ikenlikini bildürdi.
u iqtisadiy mesililerning pat yéqinda hel qilinidighanliqini eskertip, dölet uniwérstétliriningmu oqu-oqutush ishlirini qaytidin bashlaydighanliqini qeyt qildi.
u afghanistanda 40 dölet uniwrstéti we 150 xususiy uniwérstétning barliqini, hazirmu xususiy uniwérstétlarda derslerning dawamlishiwatqanliqini bildürdi.
u dölettiki maarip organlirini ölchemleshtürüsh we maarip sistémisini bashqa döletler bilen riqabet qilalaydighan sewiyege keltürüshte qetiy qarargha ige ikenliklirini tekitlidi.
u bezi döletlerning afghanistandiki aliy maarip sahesige yardem qilish we afghanistanliq oqughuchilargha oqush mukapat puli bérish toghrisida wede qilghanliqini uqturdi.
afghanistandiki uniwérstétlar wuxen wirusi (Kovid-19) sewebidin, taliban hakimiyetni ötküzüwalghan 2021-yili 15-awghusttin burun ders toxtatqan idi.
talibanning afghanistanni kontrolluqigha élishidin kéyin, 2021-yili séntebirde xususiy uniwérstétlar ders bashlighan idi. dölet uniwérstétliri bolsa, dawamliq taqilip turghan idi.
