hamas rusiyedin pelestin söhbetlirige ishtirak qilishi teklipi tapshurup alghanliqini uqturdi

türkiye awazi radiyosi xewiri: pelestin islamiy qarshiliq körsitish herikiti — hamasning siyasiy biyurosi ezasi, qoshumche xelqara munasiwetlerge mesul emeldari musa ebu merzuq, rusiyedin pelestin yarishish söhbetlirige qatnishish teklipi tapshuruwalghanliqlirini uqturdi.

ebu merzuq «eqsa» téléwiziye qaniligha bayanat bérip, özi mensup boluwatqan bu heriket (hamas) pelestinning milliy ittipaqliqi we tinchliqigha munasiwetlik héchqandaq teklipni ret qilmighanliqini éytti.

ebu merzuq bu teklipke awaz qoshushlirining birdinbir shertining «pelestin xelqining tewrenmes pirinsiplirining héchbiride qetiy yol qoymasliq we heqiqiy siyasiy ishtirak bolushi» ikenlikini otturigha qoydi.

pelestin hakimiyiti bilen fetih herikitini öz - özini tekshürüp, xataliqini étirap qilishqa chaqirghan ebu merzuq, fetih herikitining aljiriyening pelestin guruppilirining söhbetlirige sahibxanliq qilish teklipini qobul qilmighanliqini, rusiyening bu chaqiriqighimu hazirghiche ijabiy jawab qayturmighanliqini sözlirige ilawe qildi.