mehmud abbas israiliye dölet mudapie ministiri bilen körüshti

türkiye awazi radiyosi xewiri: israiliye dölet mudapie ministirliqi axbarat ishxanisi teripidin élan qilinghan yazma bayanatta, gantizning tünügün kechte rosh xeyyindiki öyide pelestin pirézidénti abbasni kütüwalghanliqi bildürüldi.

bayanatta bildürülishichem uchrishishta hem bixeterlik mesililiride, hem puqralar mesiliside her xil témilar muzakire qilinghan.

bayanatta, «yighin texminen 2.5 saet dawamlashti. israiliye dölet mudapie ministiri pelestin pirézidéntigha ishench turghuzush heriketlirini dawamlashturushni xalaydighanliqini bildürdi» déyildi.

israiliye munasiwetlirige mesul pelestin xelq ishliri idarisi bashliqi hüseyin el sheyix tiwittér hésabida élan qilghan bayanatida, pirézidént abbasning gantiz bilen körüshkenlikini  qeyt qildi.

hüseyin el sheyix uchrishishta xelqaraning qararlirigha asasen siyasiy upuq échish mumkinchilikining muzakire qilinghanliqini tekitlep, yehudiy köchmenlerning gherbiy qirghaqtiki qilmishliri sewebidin kélip chiqqan jiddiylikler, bixeiterlik, iqtisad we insanperwerlik mesililirining otturigha qoyulghanliqini bildürdi.