hindonéziye arakanliq musapirlarni xelqara déngiz tewelikige qayturuwétidighanliqini uqturdi
hindonéziye 120 rohingaliq musapir olturghan kémini xelqara déngiz tewelikige qaytishqa mejburlaydighanliqini élan qildi.
türkiye awazi radiyosi xewiri: birleshken döletler teshkilati (b d t) musapirlar aliy komissarliqi, 120 rohingaliq musapir olturghan kémige su chiqip kétishke bashlighanliqini, matorining buzulghanliqini, kémining gherq bolup kétish xewpi barliqini élan qildi.
b d t musapirlar aliy komissarliqi, kémidiki musapirlarning hayatining xewpke uchrishidin endishe qiliwatqanliqini bildürüp, hindonéziye hökümitini musapirlarni kémidin bixeter tarqaqlashturushqa chaqirdi.
hindonéziye dairiliri, b d t musapirlar aliy komissarliqining chaqiriqigha qarimay, 120 rohingaliq musapirni élip mangghan kémini xelqara déngiz tewelikige qayturuwétidighanliqini élan qildi.
mezkur kémining 26 – dékabirda ache shehiri déngiz tewelikide körülgenlikini bildürgen béliqchi bedruddin yunus, buzulghan yaghach kémide 60 ayal, 51 bala we 9 erning barliqini éytti.
rayondiki béliqchilarning musapirlarni su, yémeklik we kiyim - kéchek bilen teminligenlikini bayan qilghan yunus, rohingiyaliqlarning malaysiyagha barmaqchi ikenlikini, kémining 28 kündin buyan déngizda ikenlikini bildürdi.
achi rayonluq saqchi bayanatchisi winadry, dairilerning kémini hindonéziye déngiz tewelikidin chiqiriwétishni pilanlighanliqini élan qilip, biz ularning kémisini rémont qilip, yéqilghu toluqlap bergendin kéyin malaysiyagha yürüsh qilishini nazaret qilimiz, dédi.
