yaponiye bilen xitay mudapie sahesi boyiche jiddiy alaqe liniyesi ornitish toghrisida kélishti

türkiye awazi radiyosi xewiri: yaponiye dölet mudapie ministiri kishi nobu bilen xitay mudapie ministiri wéy fingxi sin körünüshlük söhbe ötküzdi.

yapon ministir kishi, ikki dölet we rayon xaraktérlik özgirishler muzakire qilinghan söhbet yighindin kéyin ötküzgen muxbirlarni kütüwélish yighinida, teywen boghuzining tinchliqi we muqimliqining «yaponiye üchün intayin muhim»liqini tekitlidi.

xitay – yaponiye munasiwitidiki «hel qilinmighan mesililer»ni tilgha alghan kishi: «bizning semimiy alaqe ornitip, uni qoghdishimiz kérek. shundaq qilghandila özara chüshinish we ishenchni kücheyteleymiz» dédi.

kishi, xitay we yaponiye dölet mudapie organliri otturisidiki jiddiy alaqe liniyesining eng qisqa waqit ichide ornitilishining muhimliqi toghrisida mensepdishi wéy bilen birdeklik hasil qilghanliqini éytti.

u, sherqiy déngizdiki xitay déngiz qirghiqi mudapiesi paraxotlirining heriketliri toghrisida toxtilip, söhbet jeryanida bu paraxotlarning yaponiye déngiz tewelikige dexli qilishidin «chongqur endishe» qiliwatqanliqlirini yetküzgenlikini bildürdi.

kishi yene,  xitayda 2021- yili 2- ayda yolgha qoyulghan yéngi déngiz qirghiqi muhapizet qanunining mezmunigha qarita «béyjingdin chüshenche bérishni telep qilghanliqliri»ni sözlirige ilawe qildi.

xitay ministir wéymu, sherqiy déngizning yaponlar «sénkaku», xitaylar «diyawyü» dep ataydighan taqim aralliri etrapida tokyoning «chet el küchlirige tajawuz qilish» sinariyesige asasen ötküzgen maniwirigha bolghan naraziliqini ipadilep, béyjingning rayondiki igilik hoquqi we déngiz hoquqini qoghdash iradisining qetiy ikenlikini tekitlidi.

ministir wéy sözini dawamlashturup, xitay bilen yaponiye ortaq xeterni kontrol qilish méxanizmi ornitip, ikki dölet munasiwiti we sherqiy déngizning muqimliqigha kapaletlik qilishi kérek, dédi.