tigray xelq azadliq fironti chékinishke qarar qildi
éfiyopiyediki merkizi hökümetke qarshi qozghilang kötürgen «tigray xelq azadliq fironti»ning chékinishke qarar qilghanliqi uqturuldi.
türkiye awazi radiyosi xewiri: tigray xelq azadliq fironti reisi déprétsion gébrémichél birleshken döletler teshkilati (b d t) bash katipi antoniyo guttérrésqa mektup yollap, tinchliq ornitish meqsitide eskerlirige chékinish toghrisida buyruq chüshürgenlikiini melum qildi.
gébrémichél mektupida: «men tigray xelqi we tigray rayonluq hökümitige wakaliten chégra sirtidiki barliq tigray eskerlirini tinchliq ornitish üchün derhal chékinishke chaqirimen» dégen ibarilerge orun berdi.
tigray xelq azadliq fironti bayanatchisi gétachéw rédamu eskerlerning amxara we afar rayonliridin chékingenlikini jakarlidi.
b d t 12-ayning 17-küni bayanat élan qilip, éfiyopiyediki her qaysi tereplerni derhal tedbir qollinip puqralarni qoghdash we kishilik hoquq depsendichilikini tügitishke chaqirghanidi.
shimaldiki qozghilangchilarning tigraydin kéyin amxara we afar ölkilirige hujum qilishi insanperwerlik kirizisini téximu chongqurlashturuwetkenidi.
éfiyopiye armiyesi tigray xelq azadliq fironti ishghal qiliwalghan nurghun jaylarni qayturuwélishqa bashlighanidi.
