amérika bilen rusiyening meslihetchiliri rusiyening tekliplirini muzakire qildi
krémilning tashqi siyaset meslihetchisi yuriy ushakow (Yuriy Uşakov) amérika dölet xewpsizlik meslihetchisi jéyk sulliwan (Jake Sullivan) bilen rusiyening amérika we natogha ewetken bixeterlik kapaletlirige munasiwetlik tekliplerni muzakire qildi.
türkiye awazi radiyosi xewiri: rusiye pirézidéntliq sariyi- krémil bayanatchisi dmitriy péskow krémilning tashqi siyaset meslihetchisi yuriy ushakowning amérika dölet xewpsizlik meslihetchisi jéyk sulliwan bilen téléfonda körüshkenlikini bildürdi.
u körüshüshte, rusiyening amérika bilen natogha ewetken her xil bixeterlik kapaletlirige munasiwetlik tekliplerning muzakire qilinghanliqini eskertip, körüshüshning «emeliyetchil» ötkenlikini bildürdi.
u mundaq dédi:
«ikki meslihetchi dawamliq körüshüp turush toghrisida pikir birlikige keldi.»
krémilning tashqi siyaset meslihetchisi yuriy ushakow 15-dékabir (2021) rusiyening her iil bixeterlik kapaletlirige munasiwetlik tekliplirining amérika bilen natogha ewetilgenlikini uqturghan idi.
rusiye tashqi ishlar ministirliqi 17-dékabir amérika bilen natogha, ikki ayrim kélishim layihesining ewetilgenlikini élan qilghan idi.
krémil bayanatchisi péskow bu mesilide hazirghiche «konkrét jawab» ning kelmigenlkini eskertken idi.
